1. Foydalanuvchi majburiyati va huquqlari:

Buyurtma uchun to‘lovlarni U-Pay.uz, Click.uz, Payme.uz, Paynet.uz, Visa/Mastercard (chet eldagi foydalanuvchilar uchun) to‘lov tizimlari orqali amalga oshirish mumkin. Buyurtmalar FARGO va "Toshkent Pochtamti" yetkazib berish xizmatlari hamda O‘zbekiston Milliy pochtasi oraqali yuboriladi. Banderollar hozirda faqat O‘zbekiston Respublikasi va bir qancha xorijiy*** mamlakatlar bo‘ylab yuboriladi. Foydalanuvchi mahsulotlarga buyurtma berayotganda manzillarni indekslari bilan to‘g‘ri berishi shart. Buyurtma berilgandan so‘ng, 3 ish kuni ichida to‘lov amalga oshirilmasa ushbu buyurtma bekor qilinadi. Foydalanuvchi yangitdan buyurtma berishi kerak bo‘ladi. Banderol yuborilgandan so‘ng sahifa ma’muriyati foydalanuvchiga elektron maktub orqali xabar beradi. Banderollar pochtaga topshirilgandan so‘ng Toshkent shahrida 2 kun, Viloyatlarga 3-10 ish kunigacha bo‘lgan muddatda yetkaziladi. Chet elga yuborilgan banderollar 10 kundan 30 kungacha bo‘lgan muddatda yetkaziladi. Ularning o‘z vaqtida yetkazib berilishiga yuqorida nomlari keltirilgan yetkazib berish xizmatlari javobgar, unga sahifalar ma’muriyati javob bermaydi. Foydalanuvchi manzilni noto‘g‘ri berganligi yoki pochta xizmatidagilar borganda qabul qilib oluvchi bo‘lmagani sabablik qaytib kelgan banderolni yana qayta yuborish xarajatini mijozni o‘zi to‘laydi. Banderollar yuborilgandan so‘ng pochta xarajatlari xech qanday holatda qaytarib berilmaydi. Banderollarni qadoqlash va yuborish narxlari mahsulot sotib olinayotganda uning narxlaridan tashqari qo‘shimcha xaq sifatida qabul qilib olinadi. Banderolllarni qadoqlash va yuborish narxlarini sahifamizdan bilib olishingiz mumkin. Yuqorida aytilgan pochta xizmatlari narxlarini sahifa ma’muriyati foydalanuvchilarga e’lon qilib yoki e’lon qilmasdan o‘zgartirishi mumkin.

«Hilol» sovg‘a sertifikati bosma (kupon) va elektron ko‘rinishga ega.

«Hilol» bosma (kupon) sovg‘a sertifikati:

Sovg‘a sertifikatini «Hilol Nashr» nashriyot-matbaasining savdo do‘konlaridan xarid qilishingiz mumkin. Sertifikatlarni yaqinlaringizga hadya qilsangiz, ular o‘zlariga kerakli kitoblarni xarid qilish imkoniyatiga ega bo‘ladilar. Sovg‘a sertifikatining qiymati uning old tomonida ko‘rsatilgan bo‘lib, hozirgi kunda 50000, 100000, 200000 va 500000 so‘mlik sovg‘a sertifikatlari bor. Sovg‘a sertifikatidan «Hilol Nashr» nashriyot-matbaasining savdo do‘konlarida, www.kitoblardunyosi.uz vebsahifasidan onlayn xarid qilishda yoki nashriyot bilan hamkor boshqa kitob do‘konlarida foydalanishingiz mumkin. Sertifikat qabul qiluvchi hamkor do‘konlar manzilini sahifamizdan aniqlab olishingiz mumkin bo‘ladi. Sovg‘a sertifikati naqd pulga yoki boshqa sertifikatga almashtirib berilmaydi. «Hilol» sovg‘a sertifikati bir martalik imkoniyatdir. Shuning uchun uning qiymatini biryo‘la to‘liq ishlatishingiz kerak. Ortib qolgan mablag‘ qaytarilmaydi. Sovg‘a sertifikatidan foydalanish vaqtida buyurtma uchun to‘lov summasi sertifikat summasidan ko‘p bo‘lsa, naqd yoki plastik karta orqali qo‘shimcha to‘lov qilish mumkin. Sertifikat yo‘qolsa, o‘g‘rilansa yoki yaroqsiz holga kelsa (yirtilsa, chizilib ketsa), yangisiga almashtirib berilmaydi. Sovg‘a sertifikati xarid qilingan kundan boshlab 6 oy amal qiladi. Muddati o‘tgan sertifikat qabul qilinmaydi. Sovg‘a sertifikatini boshqalarga sotish mumkin emas.

Elektron sovg‘a sertifikati Sizga uyingizdan chiqmagan holda internet orqali uni xarid qilish va yaqinlaringizga taqdim etish imkonini beradi. Elektron sovg‘a sertifikati www.kitoblardunyosi.uz vebsahifasi orqali xarid qilinadi va faqat elektron manzilga yuboriladi. Buning uchun www.kitoblardunyosi.uz vebsahifasidagi tegishli ilova orqali sovg‘a sertifikati sahifasiga o‘tib va kerakli ma’lumotlarni kiritiladi (qabul qiluvchi, qabul qiluvchining elektron pochta manzili, xarid qiluvchi ismi, xarid qiluvchi elektron pochta manzili, sertifikatning turi va qiymati). Elektron sertifikat qiymatini 10000 so‘mdan 500 000 so‘mgacha miqdorda xarid qiluvchi o‘zi belgilaydi. Elektron sertifikatni onlayn sotib olgach, bu to‘lov sahifa administratori tomonidan tasdiqlanib olinadi. So‘ngra uning maxsus kodi «Qabul qiluvchi»ning elektron pochta manziliga yuboriladi. Qabul qiluvchi mahsulotlarni onlayn xarid qilishda to‘lov o‘rniga o‘sha maxsus koddan foydalanishi mumkin. Elektron sovg‘a sertifikati ham bir martalik imkoniyatdir. Shuning uchun uning qiymatini biryo‘la to‘liq ishlatilishi kerak. Ortib qolgan mablag‘ qaytarilmaydi. Elektron sovg‘a sertifikati naqd pulga yoki boshqa sertifikatga almashtirib berilmaydi. Elektron sovg‘a sertifikati xarid qilingan kundan boshlab 6 oy amal qiladi. Muddati o‘tgan sertifikat qabul qilinmaydi.

kitoblardunyosi.uz va hilolnashr.uz saytlarimizdan ro‘yxatdan o‘tgan profil orqali amalga oshirilgan xaridlar uchun 1% miqdorida ball beriladi. 1% miqdor faqat maxsulot qismidan hisoblanadi. Yetkazib berish qismi uchun uchun to‘langan miqdor uchun ball berilmaydi To‘plangan ballarni kelgusi buyurtmalarda har biri 1 so‘mga teng qilib ishlatishingiz mumkin. Ballarni profil egasi faqat o‘zi shu profil orqali ishlatishi mumkin. Ballar boshqa profilga o‘tkazib berilmaydi. Ballardan faqat sayt orqali amalga oshirilgan xaridlarda foydalanish mumkin. Ushbu ballar faqatgina sahifamizda ro‘yxatdan o‘tib berilgan buyurtmalar uchundir. Tashkilot ballar uchun hech qanday moddiy majburiyat olmaydi. Ballarni xariddan tashqari tovar yoki pulga almashtirib bo‘lmaydi. Ballardan foydalanish muddati belgilanmagan. Lekin tashkilot mavjud holat(kutilmagan vaziyat, fors-majlor)dan kelib chiqib ball berishni to‘xtatishi, yig‘ilgan ballarni bekor qilishi mumkin.

2. Sahifalar ma’muriyatining majburiyat va huquqlari: